'S GRAVENVOEREN

Verteld door Blanche Broers (°1924) en Jef Huynen (°1920)

Opname door J.L. te 's Gravenvoeren op 22 nov 1999

IN SCHRIFT

WAT TE DOË WAOR

¹Vièr waore boereluuj...
‘sj Mûrges moeste ver opsjtoë óm ²haof vief want die van de mèlkeriej waore al dao óm goöd zès ore en da moeste vër truq zië en vër moeste ³bekaans ie Jaas goë meelke mit kar en pjaard natuurlik
En kaomde vër truq, da hau mëma der koffie ⁴pres. Da moeste ver iersj dër koffie dreenke. En da moeste ver de mèlk ⁵aafdrië, ⁶de kaover laote zoêpe en de veìrke voore. En da nog ‘t een en ’t aander

Om nugen ore wèr gewoere, waor wèr ⁷obbenoews koffie. Da waor ⁸krab en eej. ‘sj Mûrges waor mer ‘n boëterham, óm nugen ore waor ‘t krab en eej. Jah, en da goonge de mansluuj ⁹nao gù veìld en vièr moesten ‘t hoêswêrk doë. Sjroebe, ¹⁰weìsje, vanalles wat te doë waor. Doe waor ’t neët gemiëkelïjk weìsje ¹¹wie huuj. Doe moeste ver mië weìsje… sjpeüle a-gùn Voor. Doe waor de Voor nog ¹²fiê zuûver. ¹³Dat koes-te noe neët mie. Noe zitte al de W.C.’s op gùn Voor

En ‘sj middags, da goonge de kneìchs en de jonge… de mansluuj, die móchte goe ruste ¹⁴bies twie ore. Die hauwe ¹⁵noonsrus. Meh de ¹⁶vroluuj neêt. Da moes nog ins mit nen dwèl doer gùn hoês ¹⁷gegaange jare, sjtriêke…

De mansluuj nao gù veìld… da moeste boëterhamme gemak jare vur koffiestiêd en óm haof zès moeste vër obbenoews goe mèlke. Ja, vër hauwe aoch plëzeer. Ver goonge mit de kar, en jah, doe kaoms altiêd der eene en der aandere ¹⁸tienge, en ¹⁹da woerd get gekáld, mië es noê
Da ²⁰kaomde vër heìversj, wèr ‘tzèlfde sinnario: mèlke, kaover laote zoêpe, de veìrke voore
En da iëte… Hau mëma wèr alles pres. Da iëte en da dernao der aafwesj doë, sjoëtele...