WILDERE

IN KLANK

Ingesproken door Jean Grauls (°1938)

Opname door J.L. te Wilderen op 30 jun 2007

iN SCHRIFT

bè de geborte

As dõo e kìnd gebõure wõod, dan was alles te dõèn rond de maa. Ùiveral was dan bèidevaord belõufd en gedoön nò Ozze Lieve Vrow van Scherpenhùivel vur zèiker te zèn da alles gõèd zõu verlõêpe
Da was ni alles vur e gezond kìnd te krìjge. De maa mós dan toch och altèd gõèd oplette da se ni nò mismòkde of krùipel ¹kìnger zág, want àanders zõu volges het volksgelõêf, het kènd ‘r wel is kõennen op trèkke
As de wee- begoste, dan stákke ze ne ²kas aon, liefst inne van Scherpenhùivel. De àànder kenger móste dan ³‘t -haas aat vur ⁴kommisses te gòn dõèn bè nónk of tàant. Of ze móste bè de kenger van de gebõère gòn spèlle. Vur da de kas was opgebrand, mós da kìnd gebõure zèn, want àanders vurspelde da ni vùl gõèds
As da kènd dan gebõure was, dan smèite pèiter en ⁵pàät snõèp, vural nùitjes, nò de àander kìnger. Tusse de gebórte en den dõêp ⁶gõenke de gebõère bè hun kìnger nò da kiendje zien. ⁷Alleman brocht dan e këdõuke mèi

¹kinderen            ²kaars           ³naar buiten om
⁴boodschappen    ⁵meter          ⁶gingen
⁷iedereen

Uit: “Jaarwerk: Gorsem, Wilderen, Runkelen, Duras – Oris Marc, 1985-‘86”