UUKËVE

Verteld door Mariëtte
Opname door J.L. te Uikhoven op 25 okt 2019

IN SCHRIFT

MOEREETE

Wel, mèt carneval dan ¹keeme ze zingen eh van hoês tot hoês, dan keeme ze klappen eh

Vastenaovend auwe gek
Op de zolder ²'hink het spek
Sni-j is aon de lange

Laot de korten ‘hange
as de korte geten is
zal de lange beter zin

 

Dat waor ’t leedje. En dan krège ze ³e bräödje spek en èier

 

Moereëte kèns-te ouch, da’s ouch van Ukëve, da’s teepisch Ukëves
Da’s ‘ne verkleide mèt de karnëval, Moereët. Dat zin dus ⁴luuj die zich... as veer vreuger joenk waore, ginge vër op stap, verkleide vër ós en dan ginge veer van café tot café pintjes pakke, veer waore moereëte. En in Rèkem besteit dat woërd ouch mer dao zin ’t oereëte. Veë zin moereëte, in Ukëve, Boorse, Koöte zin ’t moereëte
En dat waor dat nog zoe ’n mëneer, die keeme dan en veer leepe dao achteraan as ⁵kènger: "Moereët!" en die keeme dich dan achternao, die hauwen allemaol hiël fien stekskes biej en dan krège veer ⁶sjlääg, diej hiëve tich op ⁷dien bein en al, dat waor ’t spelleke, dat diëge de moereëte
En dan ginge die ⁸hi-j neve in de café en dan ginge veer dao eederes keer de deur ope gójje en dan keeme die hiël moereëte mèt stekke achter ós aaf

Dat is ni mië, meh dat hèt jaore ⁹bestange

De groete minse waore verkleid, veer waore de kènger, veer leepe der achter
Diej moereëte dat waore gewoen luuj vur zich te ammùzere, die van deur tot deur keeme waore min of mië aerm luuj diej ’t ¹⁰minder good diëge, die keeme èier hòlen en spek. Die keeme in de veurmiddig ’s mùrges óm zeëven oore stónge ze al aan de  deur te kloppe en dan zónge ze dat leedje wat ich uch dao gezóngen 'hùb. Diej móste iës zinge, ¹¹angës krège ze niks

 

In de lôup van den daag verkleide zich die jóng gaste en jóng mèèsjes mèt kleier aan en die leepe euver de straot parradeerde diej in alle mèùgelijke verkleide, den ene waor ’n heks, den angere waor ‘ne reus… en de kènger diej... "Moereët, moereët!" reepe veer dan dao achter en dan krège vër... keeme ze achter nao gelôupe mèt stekke en dan krège vër ze good gerammeld, dèè ze bèèt koste kriêgen eh

En inins vloog dich dan ’n bende kènger hi-j-binne, ¹²wiej vër al getrouwd waore… moge ve effekes binne, ze zitten achter ós aan