GRUMME

ULESPIEGEL

Zoë wou Ulespiegel ins e paar Juden ¹ein staove, ze ins derbiej hebbe. Dat waore twië Juden, ²koupluuj. En daoveur betaalde Ulespiegel op veurhand in e paar cafées.

Dóu kump ër die koupluuj tegen, en -hee geit mèt hun ein van die cafées bènne, en dóuw ‘t op betalen aankeem pak Ulespiegel z’n heudje – -hee hauw altiêd zoë e klèin heudjen op de kop - pak dat van z’ne kop aaf, zet ‘t ins op z’ne vinger en ³ër dreide der effe mèt rond en ër zag dóu: “Heudje hèèt alles gesaalt”. En dèè cafébaas daomèt t-akkoord, natuurlik. Die koupluuj bekeken zich die zaak ins good, en ⁴wie dat den twiëde kier ouch zoë ⁵gegange waor, begósjte die koupluuj te ⁶beejen veur dat heudje te hebbe.
Jah, Ulespiegel dèè ⁷deeg ⁸wie ‘nen echte commersant en ër wou ‘t hun neet verkoupe, wat maakde dat -hee der achteraaf ‘ne sjoëne cent veur krèèg

Mer good, Ulespiegel dèè geit trùq nao ze mooder en -hee lèq heur dat hiël geval ⁹oêterein. E bitje later zuut ër die twië koupluuj aankómme en Ulespiegel zèèt tege zie mooder: “Gauw, haol e wit lake, dan gaon ich op de taofel liqqe en ver doen zjus of dat ich doëd bèn.”
Zoë degen ze dat en wie die Juden dao bènne ¹⁰keeme, deeg de mooder van Ulespiegel zjus of ze hiël veul verdreet hauw: “Och hiëre, is mich dèèn erme jóng doëd, wat gaon ich nóu toch allein beginne...”
Mer die Juden die trókke zich dao niks van aan eh, en eine zèèt zoë: “Dan gehn ver ‘m noch mal op zien moul schessen,” en -hee ¹¹sjrùbde z’n brook al aaf, mer zjus dóu ‘r boven Ulespiegel zie gezich keem, beet dèè ‘m in zien kont, en nog wal ferm, dat dèè Juud ¹²jankentère opspróng

¹een grap uithalen    ²kooplieden      ³hij draaide
⁴toen                       ⁵was gegaan     ⁶bieden
⁷deed                       ⁸zoals              ⁹uit mekaar
¹⁰kwamen                ¹¹trok zijn broek af