NËROOTERE
IN KLANK
Spreker
Jos Mergeay (°1926)
Opnamedatum
29 nov 1999
iN SCHRIFT
DE SJAOL-STRIÊD
Ich gòn óch 1get vertèlle waat de inwoëners van Fuurshuüve mètgemaakt hèbbe in de periode rond 1878
Ós braaf minse van Fuurshuüve lèèfde in dèèn tiêd in ‘de vreze des Heren’. Menier pëstoer waas vier hin het leecht det de wèèg aanwees dèè ze móste bewandele op straf van hel en vageveer. Hin gelöuf waas zónder grenze. En in det gelöuf brachte ze öuch 2hin kènjer groêt
Menier pëstoer zèrgde vier ‘t zielehèil van de klèin, geholpe doër de Kèrk en doër de staot. Belsj hauw immers ‘n katholieke regering.
Boeten ‘t katholiek ónderwiês had ge-n öuch nog officieel sjaole, maar mèt verplichte godsdeenstlèsse. Det lèste waas al lang 3ein dèèr in de öuge van de liberale, die sterk anti-kèrkelijk wore. Zie hauwe van ‘t ónderwiês dan öuch ein programmapunt gemaakt vier de verkeezinge
En dan hale de liberale op 11 juni 1878 ein politieke iëverwinning. Zie winne de verkeezinge en veere bie wèt het staotsónderwiês in. Het wèren allemaol neutrale sjaole. Godsdeenst wèèrd van de lèsroêster gehaaldj
Het wèèrd ‘ne felle sjaolstriêd dèè doort tot 1884, wannee de katholieke trèq de baas wère en ‘t staotsonderwiês wèèrd aafgesjaft
4Doon de libberale de baas wore, wèèrde ‘n marsj op Brussel georganiseerd 5boe-aan öuch ‘n aantal 6fèl manne van Fuurshuüve 7mèt dège. Pater Knevels besjrieft 8wie ‘t ging...
..
.
‘t Is jaore lang geliêje, mah ich weit ‘t nog zoë good
waat doon gebierde in Brussel mèt Kiëpke zienen hood.
De libberale, wit ge (smeerläpkes allemaol)
die hauwe ‘n wet 9bestecheldj, ‘n liêlïjke tiêge de sjaol.
De katholieke minse, die keke green en zoor
Dao kaam 10gevreigel iëver, bie bèrger en bie boor
De bisjop in de kèrke, dèèg 11wiêd doer hiêl ‘t land
‘ne straffe breef aaflèze tiêge die wet gekantj
Doon kaam dao 12rammesatie en 13kaod gekrèkel nao
Zie zóuwe in demonstratie nao Brussel trèkke, jao
Nónk Kiëpke waas ne kaoje oet de Hèqqe van de Auw Koel
Hèè 14zag: wèè gaon nao Brussel en wèè 15hóuwe ze-n op hin moel
...
..
1iets 2hun kinderen 3een doorn
4toen 5waaraan 6stoere mannen
7mee deden 8hoe 9bedisseld, overeengekomen
10gemor 11ver 12ruzie
13woordenwisselingen 14waaraan
15we slaan, kloppen