SCHIELE

Verteld door Jef Grommen (°1935) en Maurice Borgers (°1946)

Opname door J.L. te Schulen in 2007

iN SCHRIFT

WOII - inval van de prèès

Den hielen daag haa ich en Mëria, dei is twie joor jónger as ich, vir-e vinster gezete en dè hiel baön da wòr allemol soldaote, soldaote. Of da ¹ne Prèès waor of ne Bels soldaot, da weet ich ni, mah achteraf hèm ich hiere dat- belze wòrre… deì an ’t ophóppele wórre en de minse kwamme dan ²b-iên en zoe ³klappen eever vanalles en dit en da…

Jah, ’s oves vertrókke veë. Paa z’ne ⁴villo, de mëtras doo eever. Mam, bè de kèngerkoets, doo loeg ós Zjan èin, dei wòr dan twie joor en Mëria moch dó op zitte en ich mos te vuut gòn. En onderwege hèm ich nog ⁵getuût gehad, da weet ich... da ich nie doo moch zitte want as mam ⁶miech gestute wòr dan mocht sèè op dië mëtras… en zoe trókke veë nù Berrebrók, nó paa ze brier en da wòr op de hei in Berrebroek, ⁷zjust de roet eëver

Veë gónge het gevaor eegelijk zikke want veë wóinde doo veìliger as... mah ich mot wòl zegge: thèüs, honderd meëter vanaaf, tege de haag aon van dei manne van Gëzong, doo stond afweergeschut. Da kos euch misschins wòl gevaorlijk zèn. Jah, doo de mëtrâs bè deë in de dinge gegóid in zoe nen hók in ’t hèüs en doo sliepe veë op allemól...
...

¹een Duitser           ²tesamen            ³praten
⁴fiets                     ⁵geweend            ⁶moe gestoten was
⁷vlak achter de spoorweg