MECHELS-BOÖVELINGES

Ingesproken door Richard Missotten  (°1950) of Richard van Bêr van Claös

Opname door J.L. te Mechelen-Bovelingen op 8 jun 2004

iN SCHRIFT

ZÓumerkèrmis

Kèrmis was vruger nog ‘nen êchte fèsdaog vur heel de famiejle. De fèsselïjkhidde wórre verdild euver dreì daog, te wete: kèrmisdaog, ‘s móindaog van de kèrmis en ôôtvaot van de kèrmis
De fèlste drêinkers ¹kooste ‘t tot den deesdaog ²ôôthaa zonder ³tos te gon

Zóumerkèrmis (⁴de joste zondaog nuë ‘t fès van Sint-Anna) was vur oos de gebjôôtenis van ‘t juër
Da fès moos och goed gereejgeld ⁵wjanne omda dei weëk de drukste was vur de hôôsvrouw. In zoe ’n kèrmisweëk wjande vanalles gedon. ⁶ ‘n Koppel daog vur ‘t slaachte van ‘t vèt verke, hinne, jóng haöne en ‘n deel kënijne
De vrijdag was de bakdaog. ‘s Mùrres wjande dóë ⁷bè mjotselhoot nù den óuve gesleep vur ‘m op temperatuur te krìjge. Den josten óuve was vur ‘t hôôshaabróud en dan nog twie óuves vur vlaoë
De vlaoë wórre nie alleen vur de geneujde van de kèrmis. ‘s Zótterdags mooste ⁸de kènger be ‘n koppel vlaoë nù de nöunkes en tantes gon in de àànder dùrpe. Iedereen moos wete dat- volgende weëk kèrmis-Mechele was

Kèrmisdaog begoos bè nù meis te gòn vur Sint-Anna-viering. Dóënóë de processe dur ’t dùrp. Iêdereen ⁹deuj mië. Dóënóë ging iedereen an de fistoffel zitte da alleen gedèk was bè eege waör. In de kotte ¹⁰nó de noen was iedereen zoe nerveujs… tusse de meulekes vlamde de coureurs achter mekandere door en iêdereen ¹¹skrafde zoe fîl da ze truq ¹²bè-t-een wórre. ’s Ovënds was ’n aofspreük in de dùrpscaffeej. Vur 1900 ¹³wjande dóë nog op de zolders ¹⁴gedàas

¹konden                  ²uithouden           ³naar huis
⁴de eerste               ⁵worden               ⁶enkele dagen
⁷met sprokkelhout    ⁸de kinderen        ⁹deed
¹⁰namiddag            ¹¹schreeuwde zo hard (fel)
¹²tesamen              

Uit : “Uit de geschiedenis van Mechelen-Bovelingen – Jozef Schoefs – 1984, p. 85 ”

EXTERNE LINKS