HÀMËTER

Spreker
Harrie Van de Broek (°1923)
Harrie van Krisje Van de Broek

 

Opnamedatum
5 jun 2004

IN SCHRIFT

moordzààk 1761

In ieder stad of dûrp, is ‘r wèlj es iets verschrikkeliks gebeurd. In Hàmùt wájs deh ‘t gevâl, zoe ‘n klen twiehonderd vieftig jaor geleën

 

In 1734 trowde in Hàmët ‘nen Tinus Verwaöst meh Katrien Schellekes. Hej kwààmp van Aorendónk en zie wájs van Woensel tegen Eindhoov’n. Tinus wájs ‘ne viljder. Deh wájs iemëd die ‘t veìlj van de geslààchde en kapotte bjèst’n ¹ààfstrùbd’n en deh doorverkôcht òn de leirluiers

Hej wóinde ob-e Mùllik en nò ennigte jaôr’n tèlde het gezin wèlj tien kinder, ²bóvân de helft ³meches. Ze boerd’n ‘r och nog wa bej en dór zuûnig te lêv’n, ⁴koste ze ààf en tow e läpke grônd bej koëp’n

 

Mer dân… rônd 1755 kreeg Tinus opjèns zwaor concrêntie. Zjuust óvver de grens, in ⁵Buûlj, en dan nog wèlj ob-‘n Toom, nè zoe vêr van-e Mùllik ààf huurd’n ‘ne zekere Jang van Bornkèsselj en z’n vrow ‘n woning van Dries Stoffels

Jang wájs och viljder en om er eên te rààk’n, zal ie ⁶lichelik onder de priês hèmme gewêrkt. In ieder gevâl… ozzen Hàmeter viljder dien woord gewaör det ie klante verloor, nèh alliën in Buûlj mer och in Hàmet.

 

En dan begin ‘t dramma!

 

Nóuwjaorsaovëd, 1761 (zeuvetien-jèn-èn-zêstig), stônd de villder van Buûlj zie keend te wiêg’n, de deur half open om de roëk van den open hààrd boët’n te laöt’n. Aàf en tow huurd’n iej de ⁷scheut van ne snaphaön, zoe e geweer deh in dien tiêd woord gebruukt. Die scheut wárre bedoeld om ‘t âud jaor ààf te sloêt’n en ‘t nóuw jaor te beginn’n… deh dâcht Jang tenminst’n, mer opjèns zakde de villder in mekaor. Hej hâuw zoe-as laöter bleek i-ne loëie kogel in zien longen gekregen en iêmëd hâuw vanachter innige stroêken honzenhôut op de villder geschoöt'n
...

¹afstroopte       ²waarvan         ³meisjes
⁴konden           ³Budel

⁶wellicht           ⁷schoten

Verhaal werd aangeleverd door Guido Thijskens en “Remi Vaneìrdeweeg” - Heemkundekring