BOEKËTS

Ingesproken door Julia Bollingh (°1938) of Julia van 't Männeke va Bëlings

Opname door J.L. te Boekhout op 29 sep 2001

IN SCHRIFT

DE KRELEN-ÕVES

Nõö de jóöre 1900 ¹wèënde alle ²höÿs gemòk ³bè zelver gebakke krele
⁴Teveure was da va liêm. Ózze zwore liêmgrônd ìn oos dùrpke was ⁵krek de grônd vur dèè veldkrele

⁶Mõe se nèù ⁷bè de gruuj ⁸de kjalders õutsmìjte, ⁹mos da dõewn allemòl bè de schùp. Diën õutgehaolde grônd, dië wèënde gebrùk ¹⁰vur de krele aof te bakke. Da was ‘t werk van de krelebäkkers. Bè twie mân en ¹¹bestuje bè drej ¹²kreveëde se-(h)un va ‘s mùrres tot ‘s oövës laöt vur mer zoe veul meugelïjk te verdièjne...
Inne vùlde de vùrme bè liëm, den ààndere mos de ¹³pres bedièjne. De nog naöte krele wèënde dur de stielmans op láng rije ¹⁴gezatte en dan mòkde se dèè ¹⁵tõu tiggen ¹⁶den reëgel

Nõö ¹⁷intige weëke as dei krele genoeg gedruujg ¹⁸wõun van de zon dan ¹⁹begoste se te bakke. Se wèënde schõên op looge van ²⁰ 'n twìjvël meejters ²¹op-iên gezatte...

Tusse iêder loog strõude se kõulegruìs en da stakke se èn ²²bèën. Bè ‘t vuur onder hun ²³vüjt werkde se mer ²⁴vots tot as ze nen hoëp haöne van ‘ne mèiter of twie hoêg en da wore zoe ongeveer tienduzend kreële. As den õve vuurhiët wààs, dan plakde se den õve òn de bõutekant tõu bè naöte liëm vur ‘m zoe hiët te haa as ze mer ²⁵koste. Nõë ‘n weëk of twiej wõun dei kreële durbakke en goed vur te gebruìke. De skoenste kreële wèënde gehaa vur de bõutekânt van ‘t hõus te mètse. De wiejke en de krom kreële dei hielde se vur de bènnemuujr. Den tìjd da den õve èn bèën stônd, stonk da afgrìjselïjk feël en ²⁶bestuje was diën ²⁷domp puur vergif. ²⁸Weìd en briëd wiste de minse da de kreëlenõve aon stond. Jaomer genoeg mos dië skoene stiel och te niet gòin rond de jore vìjftig

Nederlandse tekst uit: “Uit de geschiedenis van Mechelen-Bovelingen – Jozef Schoefs – 1984, p. 88”