IËLERS

Iêle, dan dinks-te ónmiddellik aan het prachtig këstiêl Sipernau mèt de neo-gotische këpel, gewiejd aan de H. Rita
Eine killemèter van het këstiêl ¹e-weg laag de laathoof van Sipernau, de këpel geneumd. Deze laathoof laag langs ‘n këpel diej nao de Franse Revëlusiej, daor de bliksem geraakt, aafbrande en aafgebraoke woor. Allein de sacrestiej is blieve stoan en is noêw nog e sjoën veldkëpelke

Vuur en noa dën aorlog waas het ‘n plaats vuur te ²biêjen en op ³bèverd te goan nò Oze Leeve Vrow van Rùst. Op 15 ogustus trok eeder jaor ‘n groëte përcessiej nao ‘t këpelke en kaome paters prèke vuur ein massa minse. Det is allemoal vurbiej

Noêw weurt eeder jaor op-e 15e ogustus aan het këpelke in-e vuurmiddig ein mès gedoan en de ⁴kroêdwès gewiêjd. Nao de mès wiêren de kroêdwèssen oêtgedeild aan de geluivige vuur besjerming ⁵tienge ⁶blikseminslääg. E sjoën gebruûk det nog in ier weurt gehauwe