BREEs

Spreker
Rik Schoofs (°1925)

Opnamedatum

8 jun 1999

iN SCHRIFT

spèèlkes DIEJ VE DIÊJE

Zuu wèèrde ich stilaan eì ¹këvits mänke, zuu nen ²aanspènner, en inins zaat ich al op het zùsde studiejaor

Uut dèèn tiêjd herinner ich mich nog het bùst de spèèlkes diej ve diêje en vieral de vechtpartië op-e spiêlplaats en op ³de wèèg heivers. Ich weit neet of diej spèèlkes nuûw nog bestaon

⁴Hièjve sjeete bevierbeeld. Dan mees-te op ⁵dièjn huûke zitte en mùt dièjn kniêkels op-e grónd de hièjf nao eì ⁶buûdelke sjeete of duur ein slang. ⁷Dù kos op den door ⁸dièjn hiêl hièjve kwiêjt zeen, dan waors-te zuu erm es ein luûs, dù waors ⁹troela, dù waors ⁹keps

Ofwaal prëbèèrde ve zuu lang miêgelik einen ¹⁰dop te doon drejje of eine ¹¹póppernel, det waas dan eine dop mùt eì tùiwke rónd. Of ve spèèldje ¹²hitseklitse mùt bikkels of bókspringe of ¹³hääske jage. Dan mees-te aardig ¹⁴gùtte tots-te nimmer kos kikke of mikke. Of ve ginge köpke stuûn of ¹⁵krämke sjeete en wèè verluur, mees den andere ¹⁶op zièjne kriêmer pakke

Ve moken ós fleitjes uût elzenhùit of piejl en baog uût ¹⁷hónshùit en próppesjeeters uût flèèrhùit en dièj sjute ve waal ins in de klas mùt e ¹⁸litske of ve ¹⁹tuûsde hièjven óm vier zuuvèèl cùreurs of prèntjes mùt vootballers op of zelfs vier ein lei en ein griffel of vier ein ²⁰kniêjp

¹actief             ²jonge puber         ³de weg naar huis
⁴knikkers schieten/knikkeren         ⁵je hurken
⁶hier: kuiltje     ⁷je kon                 ⁸al je knikkers
⁹blut               ¹⁰prik- of draaitol
¹¹paddenstoelvormige draaitol
¹²spel met kootjes om op te vangen
¹³[hèèske] haasje jagen       ¹⁴van katoen geven
¹⁵kram schieten                  ¹⁶op zijn rug dragen        
¹⁷soort struikhout                ¹⁸elastiekje
¹⁹ruilden/tuisden                 ²⁰(zak)mes