BROEKÓMMERS

Spreker Jean Houbar of Jean van Haarie Nèt (°1950)

Opname door J.L. te Broekom in 2007

iN SCHRIFT

orkès bè kèrmis

Dan bè kèrmis dan was dó ’n orkès. Mijn maa, deì was bè eejn van deì orkèste. ¹Deì howde de klèin kèès
En m’ne nõunk dië speèjlde ùrmóuinica, alle kaante ²moe ’t kèrmis was. Dán ³gónke deì móunica speèjle, ⁴wèè da vruger was op deì kèrmisse… Jeh, ⁵nôô gonne se ammol ⁶be-t-eejn ⁷jùrres nó ’n dancing, mah vruger, jeh… de minse ⁸hònne niks aanes as heì Broekom kèrmis, Gutsgove kèrmis, Hèks kèrmis. Da was in ne cafeej, jeh
Dan ⁹jonden ’n toffel of twie tegen-eejn gestóute en dó zóut de móunica op en de klèin kèès, mèir was da nie
Of wel was dó ’n dénges… ’n trompèt zoe nie, mah… ’n saxëfon. Da jonden ooch al ins gespeèjld
Jeh, en as dje dân in ’n aner dùrp ¹⁰wód en dje ¹¹daasde dó e paor kir ¹²bè e mètske, dan kume ze nó óch tèùw en dan vroege se of ¹³oer stattels gebonne ¹⁴wónne. En as ze dá ¹⁵zèine dan ¹⁶wiês dje da dje mos afstappe, da se gónken aater óch kome…

Zoe was da vruger, he
Mah heì in Broekóm zelf was dat zoe nie. Vùil dùrpe moe kèrmis… jonde dó gedrõunke en gevóuchte en dat hùb ich heì in Broekóm nóut nie gezin. Ne goeie dreìnke, da ¹⁷dùine se heì ¹⁸gjaan en de minse geruis lóëte

...

¹die sloeg op de trommel                  ²waar
³gingen                   ⁴zoals/hoe         ⁵nu gaan ze
⁶samen                   ⁷ergens              ⁸hadden
⁹werd                     ¹⁰(als je) was     ¹¹danste
¹²met een meisje     ¹³uw veters        ¹⁴waren
¹⁵zegden                 ¹⁶wist je            ¹⁷deden
¹⁸graag

ANDERE OPNAMES