SPAÂN

IN KLANK

Spreker Jean Claesen (°1935) of Jean van Reen Zjange Liske 

Opname 22 juli 2004

IN SCHRIFT

DE KÈRMISSE

¹Zjus wei naa wore dwu twee kèrmisse: de grote èn de kleìn.
De grote kèrmis begos ²de joste zondùg van ‘t fis van Sint-Denijs, de njeegede oktober. De kèrmis doerde draai tot vier daog van de joste wèèk èn draai van de twidde
Vir de kèrmis ³wjande e vèt verke geslach en ⁴de vroon wore ollïg mèt ‘t bakke van vlöje. Ók de famiele ⁵wò-n wat wájjer huunde woond genid vir te kwómme. Ee de kèrmis en ‘t plezier begos, goeng allemaan jos nwu de mis. Op de kèrmis zelf wjande vjol vlöj gète en ók ‘t ⁶vjos geslààch verke. Vur de vroon en de kinner wós dwu natuurlïjk ók ‘ne kroëm mèt snoep. Op de kèrmis wjande volksspjulkes ⁷gjan gedeend

Onder de nwukèrmis wós ‘t wat ristiger, ook omdat ‘t geld ⁸bekan op wós. ’s Deënsdùs ⁹nwu de noên wós alles aofgeloupe. ‘t In van de kèrmis wjande aongekondig op ’n speciaöl mënier: het verbjanne van Jan Krëdiêt… Mèt Jan Krëdiêt bedoelde ¹⁰de laai dat ze zó erm wore wjanne dat zelfs de kaffiebaoze gi vertrouwe mi ¹¹haön. Alle jónges van ‘t dèrp koeme mèt ¹²innige kroewaoges ¹³mètee. Dwumèt goenge ze alle ¹⁴haais aof vir ‘n bèssel stroo. Mèt dat heel stroo goenge ze nwu Mins-Berg of de Biester. Dwu wjande het heel stroo op nen haop ¹⁵gelààg en ¹⁶in vier gestèke mèt vjol lawaai van de sjoëlkinner daai mèt wóppe aoge loerde terwaail e liedje wjande gezonge

¹net zoals nu      ²de eerste      ³werd      ⁴vrouwen waren bezig
⁵die wat verder woonde werden genodigd  ⁶vers
⁷graag gedaan     ⁸bijna      ⁹namiddag      ¹⁰de mensen
¹¹hadden          ¹²enkele    ¹³tesamen        ¹⁴huizen
¹⁵gelegd        ¹⁶in vuur gestoken

Uit: “Dorpsmonografie: Rijkhoven, Grote-Spouwen, Kleine-Spouwen – Judith Plusquin – 1985-‘86”

Nederlandse omgezet en ingesproken door Jean Claesen (°1935) - Jean van Reen Zjange Liske
Opname door J.L. te Grote-Spouwen op 22 jul 2004