EEGEBÙLZE

IN SCHRIFT

Het Bikske van der Diêvel

¹Wèèrwéjf ziën minse dei mèt der dievel mèt doën. Zó waos hei in Eegebùlze aoch ‘ne zjèkkere Cilis. Hè woor den diêvel tjègge gekwumme en hao zùch laote verléjje. Hè hao e bikske gekrègge en van dou aof hao hè veel maach, eh kos meer dan ‘ne normaole mins.
’s Naachs bij volle mund veranerde hè in ‘ne ²waof en gong dwur klein ³gadskes en steegskes van de dèrpe in den imtrèk… op zik nao e slachoffer.
Meh nao ‘nen helen teed… Cilis, dè wol dao eegelïjk van aof ziën. Hè gong nao de broun paoters in ⁴Trich. ‘ne Paoter ⁵zaag tjègge hùm: “Dat ìs al e goëd begin, m’ne zwun, meh ’t ìs ‘ne lange kreeswèèg. Meh ich zòl dich helpe!”
...

¹weerwolven      ²wolf      ³veldwegjes      ⁴Maastricht      ⁵zei

Aangeleverd door Ferdy Jans (°1940)